საქართველო ღვინის სამშობლოა, ხოლო ბოლნისი იმ რეგიონებს შორისაა, სადაც მეღვინეობის მრავალათასწლოვანი ტრადიცია განსაკუთრებულად თვალსაჩინოდ იკვეთება. სწორედ ამ ისტორიის გაცოცხლებასა და პოპულარიზაციას ემსახურება მეღვინეობა „მუხიგული 1770″, რომელიც ტრადიციას, ხარისხსა და თანამედროვე მიდგომებს აერთიანებს.
კომპანიის დამფუძნებლისთვის, იოსებ მუხაგულიშვილისთვის, მეღვინეობა მხოლოდ ბიზნესი არ არის – ეს არის მისია, რომელიც ბოლნისის უნიკალური მეღვინეობრივი კულტურის ფართო საზოგადოებისთვის გაცნობას ისახავს მიზნად. ქვემო ქართლში, გადაჭრილ გორაზე აღმოჩენილი 8 000-წლიანი ყურძნის წიპწები და არუხლოს გორაზე ნაპოვნი უძველესი თიხის დერგები ადასტურებს, რომ ეს ტერიტორია მსოფლიო მეღვინეობის ისტორიის ერთ-ერთი უმნიშვნელოვანესი კერაა. ამ მემკვიდრეობას განსაკუთრებულად ამდიდრებს კატარინენფელდში მცხოვრები გერმანელი კოლონისტების მიერ ჩამოყალიბებული ღვინის წარმოების კულტურა და ტექნოლოგიური გამოცდილება.
„მუხიგული 1770″ სწორედ ამ ისტორიული მემკვიდრეობის თანამედროვე ინტერპრეტაციას წარმოადგენს. კომპანიის შექმნის მთავარი მოტივაცია იყო ბოლნისის ღვინის ცნობადობის გაზრდა და რეგიონის უნიკალური პოტენციალის წარმოჩენა როგორც ადგილობრივ, ისე საერთაშორისო ბაზრებზე.
ბრენდის განვითარების გზაზე განსაკუთრებული მნიშვნელობა ჰქონდა ღვინის წარმოების სიღრმისეულ შესწავლას, ხარისხის მუდმივ გაუმჯობესებასა და მომხმარებლის მოთხოვნების სწორ გააზრებას. კონკურენტულ გარემოში მიღებულმა გამოცდილებამ კომპანიას საშუალება მისცა, საკუთარი ადგილი დაემკვიდრებინა ბაზარზე და ხარისხზე დაფუძნებული განვითარების სტრატეგია შეექმნა.
დღეს მეღვინეობა „მუხიგული 1770″ აწარმოებს დაცული ადგილწარმოშობის დასახელების ღვინოებს, რომლებიც გამოირჩევა წარმოების უნიკალური ტექნოლოგიით, გამორჩეული გემოვნური თვისებებითა და თანამედროვე, მიმზიდველი შეფუთვით. თითოეული ბოთლი მომხმარებელს არა მხოლოდ ხარისხიან ღვინოს, არამედ ბოლნისის ისტორიისა და კულტურის ნაწილსაც სთავაზობს.
კომპანიის ზრდაში მნიშვნელოვანი როლი ითამაშა პროდუქციის ხარისხის სტაბილურობამ და ბრენდის ცნობადობის ზრდამ. მიუხედავად მიღწეული პროგრესისა, ერთ-ერთ მთავარ გამოწვევად მარკეტინგისა და გაყიდვების მიმართულების გაძლიერება რჩება. სწორედ ამიტომ კომპანია აქტიურად მუშაობს ციფრული ინსტრუმენტების დანერგვასა და თანამედროვე ტექნოლოგიების გამოყენებით ახალი შესაძლებლობების შექმნაზე.
მომავლის გეგმები მოიცავს წარმოების მოცულობის ზრდას, ონლაინ გაყიდვების განვითარებას, ახალი ბაზრების ათვისებასა და ღვინის ტურიზმის მიმართულებით რეგიონში მეტი ვიზიტორის მოზიდვას. ამ გზით „მუხიგული 1770″ არა მხოლოდ საკუთარ ბრენდს ავითარებს, არამედ ბოლნისის, როგორც უნიკალური მეღვინეობრივი რეგიონის, პოპულარიზაციასაც უწყობს ხელს.
მეღვინეობა „მუხიგული 1770″ არის ისტორიის, ტრადიციისა და თანამედროვე ხედვის შერწყმის მაგალითი – ბრენდი, რომელიც წარსულის მემკვიდრეობას მომავლის შესაძლებლობებად გარდაქმნის.
