პარიკის შეძენისას ერთ-ერთი ყველაზე ხშირად დასმული კითხვაა: „რომელი ავირჩიო, ბუნებრივი თუ ხელოვნური?“. ეს გადაწყვეტილება მხოლოდ ფასზე არ არის დამოკიდებული – ის ყოველდღიური სტილის, ცხოვრების წესისა და ინდივიდუალური მოთხოვნების ერთობლიობაა.
პარიკების მაღაზია Wigs Room-ის სპეციალისტები დეტალურად განიხილავენ განსხვავებებს, რათა მომხმარებელს არჩევანის გაკეთება მაქსიმალურად გამარტივდეს.
ვიზუალი და ფორმა
ბუნებრივი პარიკები მზადდება ნამდვილი ადამიანის თმისგან, რაც მათ ანიჭებს ბუნებრივ მოძრაობას, ბზინვარებასა და ისეთ ტექსტურას, რომელიც სრულად იმეორებს ბუნებრივ თმას. ხელოვნური პარიკების შემთხვევაში, თანამედროვე ტექნოლოგიების წყალობით, ხარისხიანი ბოჭკოები ნამდვილ თმას ჰგავს, თუმცა მათ ხშირად ახასიათებთ ე.წ. „სინთეტიკური ბზინვარება“, რაც ზოგჯერ არაბუნებრივ ვიზუალს ქმნის.
სტილის მრავალფეროვნება
- ბუნებრივი პარიკები: სტილის ცვლილებაში მაქსიმალურ თავისუფლებას იძლევა. შესაძლებელია დახვევა, გასწორება, შეღებვა ან ნებისმიერი ვარცხნილობის შექმნა თერმული ხელსაწყოების გამოყენებით. აღსანიშნავია, რომ მოვლა ისეთივეა, როგორიც ნამდვილი თმის შემთხვევაში.
- ხელოვნური პარიკები: როგორც წესი, აქვთ „მეხსიერების“ ფუნქცია – ვარცხნილობა დაბანის შემდეგაც უცვლელი რჩება. მათთვის მაღალი ტემპერატურა ხშირად დამღუპველია, რაც სტილის შეცვლას ზღუდავს.
გამძლეობა და მოვლის პირობები
სწორი მოვლის პირობებში, ბუნებრივი თმის პარიკები გამოირჩევა მაღალი გამძლეობით და 1-დან 3 წლამდე სარგებლობას უზრუნველყოფენ; მაქსიმალური ეფექტისთვის მათ ესაჭიროებათ რეგულარული დატენიანება, დაბანა და მოვლა. თავის მხრივ, ხელოვნური პარიკების სიცოცხლის ხანგრძლივობა შეზღუდულია და ყოველდღიური მოხმარებისას საშუალოდ 4-6 თვეს შეადგენს. მიუხედავად იმისა, რომ ბოჭკოები დროთა განმავლობაში ცვდება, მათი მოვლა საგრძნობლად გამარტივებულია და განსაკუთრებულ პროცედურებს არ საჭიროებს.
კომფორტი და სიმსუბუქე
ბუნებრივი პარიკები, განსაკუთრებით გრძელი მოდელები, ბუნებრივი შემადგენლობის გამო შესაძლოა ოდნავ მძიმე იყოს. ხელოვნური მოდელების უმეტესობა კი ძალიან მსუბუქი და ჰაეროვანია.
ფასი
ბუნებრივი მასალისგან დამზადებული პარიკი გარკვეულწილად ინვესტიციაცაა. მაღალი ხარისხის მასალისა და დამუშავების გამო, მისი ღირებულება შედარებით მაღალია. ხელოვნური პარიკები ბიუჯეტური და ხელმისაწვდომი ალტერნატივაა, რომელიც საშუალებას იძლევა იმიჯი ხშირად შეიცვალოს, თუმცა ეს ხარისხისა და გამძლეობის ხარჯზე ხდება.
Wigs Room-ში წარმოდგენილი პროდუქცია მხოლოდ ბუნებრივი თმისგან მზადდება. შეგახსენებთ, რომ შოურუმში შესაძლებელია, როგორც პარიკების, ისე შინიონების შეძენაც. პარიკის შერჩევისთვის შესაძლებელია ვიზიტი Wigs Room-ის შოურუმში თბილისში, ქეთევან წამებულის #47-ში ან ქუთაისში, ნიუპორტის #7-ში. კონსულტანტები მზად არიან დაეხმარონ მომხმარებელს ცხოვრების წესზე მორგებული მოდელის პოვნაში.
